陪黑面女友行街被當透明 崔建邦又拖又攬都唔掂

■Amigo陪女友去LOG-ON買狗仔零食,仲幫手拎嘢。 © 由 頭條日報 提供 ■Amigo陪女友去LOG-ON買狗仔零食,仲幫手拎嘢。

42歲人稱「媾女王」的崔建邦(Amigo)與香港代表劍擊運動員崔浩然胞姊Jessica Vivian Choi拍拖3年多,感情穩定的二人前年傳出婚訊。近日他接受J2節目《Mean Talk》訪問時,除重提10多年前涉打前女友「中巴」鄺敏慧一事外,又直言視Jessica為結婚對象,仲暗示已為結婚做好準備。經一事長一智的Amigo現在對女友呵護備至,日前佢就同女友喺又一城行街,雖然女方黑晒面,但佢都好有耐性又拖又攬落力o氹對方。採訪:譚壹致

■見女友黑晒面,Amigo即拖實對方手仔。 © 由 頭條日報 提供 ■見女友黑晒面,Amigo即拖實對方手仔。

  雖然近日崔建邦忙於拍攝拳擊比賽節目《Fight盡》,但佢都冇冷落女友。日前晚上8點,《頭條日報》記者發現身穿白色「雞翼袖」背心襯短褲的Amigo,與一身粉紅色One piece披牛仔褸的Jessica,喺又一城拍拖行街街,惟女友全程木無表情,兩人更不時「向左走向右走」分開行,未知Amigo是否激嬲對方呢?當日兩人在首飾店前Window Shopping,望咗一輪,Amigo似乎睇啱心水想買畀女友,正打算走進舖頭之際,Jessica卻完全唔畀面,一個華麗轉身就離開。

■Amigo仲加多兩錢肉緊邊行邊攬實女友。 © 由 頭條日報 提供 ■Amigo仲加多兩錢肉緊邊行邊攬實女友。

  火藥味濃

■Amigo想入首飾店睇,但Jessica擰轉身就走。 © 由 頭條日報 提供 ■Amigo想入首飾店睇,但Jessica擰轉身就走。

  之後,任職英文老師的Jessica走去書店打書釘,在她專心揀英文書時,四肢發達企唔定的Amigo卻於店中周圍兜,忽然好雀躍地攞咗本兒童圖書畀女友睇,結果對方都係冇乜反應,臨走前,搞搞震冇幫襯的Amigo仲拎起一盒玩具係咁睇,唔啱用望吓都好。接着二人到LOG-ON睇寵物用品,他們各自揀了一包狗仔零食,再行多圈便去畀錢;隨後再到超市逛,沿路搭扶手電梯落樓時,見女友仍面燶燶,Amigo即拖手又攬攬o氹對方,無奈Jessica眼尾都冇望過他,去到超市仲繞晒手,火藥味好重喎。

■Amigo近日忙拍拳擊比賽節目《Fight盡》。

陪黑面女友行街被當透明 崔建邦又拖又攬都唔掂