感激好友相伴走出小產陰霾 林熹瞳:呢個人令我生活更完整

Rachel終於走出小產陰霾。 © 由 星島網即時新聞 提供 Rachel終於走出小產陰霾。

現年36歲的「怪談女」林熹瞳(Rachel)在今年4月表示懷孕八周,但檢查發現BB沒有心跳,惟有與老公何思哲與BB好好告別,並感激朋友和和網民的關心。雖然表面上Rachel似乎走出陰霾,收拾心情重新投入工作,但內心深處,這份傷痛實在需要一點時間去復原。日前Rachel在社交平台撰寫長文感謝一個人。本來這一篇很久以前已想發的文章,但她不想欺場,所以留待這一天,可以靜靜坐下來不慌不忙地去打這一篇文章:「如果我是男人,我一定會追她!呢個人令我生活更完整了;她不懂甜言蜜語,係一個不折不扣的行動派;她係非常好的聆聽者;自認識後,她幾乎參與了我人生所有大事,她已經融入我家中!」

  Rachel表示自從BB離開後,她封閉了自己,基本上除了老公外,任何人都不會見:「日日人唔似人、鬼唔似鬼!呢個人(Maggie)突然衝上嚟我屋企,我其實忍唔住反咗一個白眼,因為我狀態太差,太醜樣,滿心憤怒和哀痛,根本唔想見人。但冇諗過,我傾傾吓開始打開心扉,同佢傾咗8個小時,由張牀傾到出沙發,無論我發怨氣,分析件事,定由盤古初開講起我的心路歷程,佢都照單全收,佢係好用心去聽,去感受我嘅感受。那天起,我終於肯落街,但一落街先發現原來身體真係差咗好多,行去超級市場買啲野,都要唞足一日。」

  她又稱當日收到通知要出席《逆天奇案》宣傳活動,當時內心實在很糾結,一方面非常想出席,但另一方面又擔心身體狀況:「我膽粗粗地打電話去問她,可否陪我去宣傳?她竟然話昨天已經攞咗大假,預咗陪我去,就算我唔俾,她都會跟著來!結果連綵排,一個半月內,前後分別陪我去咗7-8次左右,她每朝買定早餐上嚟我屋企接我出發,去到TVB只係當自己係助手,不停幫我拎野,照顧我飲水,幫我瞻前顧後,如果冇咗佢,我相信我真係做唔到。結果宣傳期完咗,我亦都康復了。」其後亦因為Rachel的一番話,Maggie陪她返教會:「我同佢講咗一句,『希望喺永生國度,會有你出現,如果見唔到你我會好唔開心!』之後佢就跟我返教會,每次都係由屯門去到香港仔華富邨,而家仲報咗洗禮班,差不多個個星期要去上堂。」

感激好友相伴走出小產陰霾 林熹瞳:呢個人令我生活更完整